2014_wmark_tinier_square
Noms

Pinoy Pasko sa Logica

The following text will be written in mostly Filipino. If you need translation, click this- Pinoy Pasko sa Logica in English (although I don’t vouch for its correctness), and then say thank you to Google Language Tools (for the lulz).
Ito ang unang post sa BaconTunaMelt na gamit ang Filipino. Bakit? Tungkol sa mga pagkain ng Paskong Pinoy ang kwento ko, kaya naisip ko na mas maganda na salitang Pinoy din ang gamitin ko.
Ang handa

Noong Martes, nakatanggap ako ng e-mail galing sa opisina. Sabi sa e-mail, magkakaroon daw ng maliit na salu-salo sa pantry bilang pasasalamat sa mga biyayang natanggap noong nakaraang taon. Ang tema ng handaan ay “piesta”, kaya yung mga pagkain na pagsasaluhan ay mga pagkain na makikita natin kapag may piesta.

Banderitas at ice kendi

At siyempre, ang mga dekorasyon sa pantry ay sangayon din sa tema ng handaan. Mayroong mga nakasabit na makukulay na banderitas at mayroon ding mga ice kendi (na gusto ko sanang dekwatin) na nakabitin sa kisame ng pantry.

Lechon!

Sa piestang Pinoy, hindi mawawala ang lechon. Para sa mga hindi alam kung ano ang lechon, ito ay isang buong baboy (na tinanggalan ng laman loob) na niluto sa uling. Marami ring klase ng lechon dito sa Pilipinas, pero isa sa mga pinakasikat ang Cebu Lechon. Ito yung hinanda nung salu-salo. Ang lechon na galing Cebu ay kilala sa malutong at na balat ng baboy at malasang laman nito (na hindi na kailangan ng sawsawan!).

Pancit Barbecue

Hindi rin naman mawawala sa handaang Pinoy ang pansit at barbecue. Sa Pinoy Pasko sa Logica, ilang bilao ng pansit ang pwedeng pagpilian- mayroong pancit Malabon, pancit canton at mayroon pang pancit bihon (paborito ko talaga ang pancit Malabon, lalo na kapag homemade).

Nilupak Dirty Ice Cream

Para sa panghimagas naman ay mayroong puto bumbong, pichi pichi, nilupak, at ang klasik na dirty ice cream. Ang sarap ng ice cream! Naalala ko tuloy nung bata pako, excited ako pag naririnig ko yung bell ng cart galing sa labas ng bahay. Para sa mga banyaga, hindi naman madumi ang dirty ice cream, pero ewan ko kung bakit ganon ang tawag sa kanya.

Sayang nga, hindi ko na naabutan yung puto bumbong, medyo na-late kasi ako. Kumuha nalang ako ng nilupak at pichi pichi, na masarap din. Noong araw na yun ko lang nalaman kung ano ang nilupak. Tinanong ko pa sa kaopisina ko na si Tin kung saan gawa yun. Sabi nya, ang nilupak ay matamis kakanin na gawa sa cassava, niyog, gatas, at mantikilya.

Hulaan nyo sino nanalo.

Bukod sa kainan, nagkaroon din ng mga palaro katulad nitong nasa larawan- pabilisan makaubos ng ice cream. Mahuhulaan nyo kaya kung sino nanalo?

Sa dami ng masasarap na pagkain, palaro, at palamuti, ang Pinoy Pasko sa Logica ay tila naging isang masayang piesta upang ipagdiwang ng maaga ang Pasko kasama ang mga ka-opisina at mga kaibigan. Ilang oras nalang at Noche Buena na! Anong handa nyo mamayang gabi?

*maraming salamat sa Tagalog-English Dictionary ng bansa.org sa pagtulong sa pagsasalin ng mga salitang hindi ko alam sa salitang Filipino at salamat din sa Google Language Tools sa pagsalin naman ng buong artikulo na ito.
email

FB Comments

comments

2 Comments

  1. hottietin

    Uy! Special mention! hehehe! salamat!

    dapat pala dinala naten si igor at baby Nikon dito weh! wala ka bang picture nung kasali ako sa longest line?

    Merry Christmas bacontunamelt!

    Reply

Leave a Comment

Your email address will not be published. Required fields are marked *


CommentLuv badge